پاکستان میں سونا 2,500 روپے فی تولہ سستا

کراچی: عالمی اور مقامی مارکیٹوں میں آج سونے کی قیمت میں نمایاں کمی ریکارڈ کی گئی۔

بین الاقوامی مارکیٹ میں فی اونس سونا 25 ڈالر سستا ہو کر 3,310 ڈالر کی سطح پر آ گیا۔ عالمی قیمتوں میں کمی کے اثرات پاکستان میں بھی دیکھے گئے، جہاں 24 قیراط سونے کی فی تولہ قیمت میں 2,500 روپے کی کمی ہوئی۔ اس کمی کے بعد ملک بھر میں فی تولہ سونے کی نئی قیمت 3 لاکھ 53 ہزار روپے ہو گئی۔

اسی طرح، فی 10 گرام سونے کی قیمت میں بھی 2,143 روپے کی کمی ریکارڈ کی گئی، جس کے بعد نئی قیمت 3 لاکھ 2 ہزار 640 روپے ہو گئی۔

ماہرین کے مطابق، قیمتوں میں حالیہ کمی کا تعلق عالمی مالیاتی دباؤ اور ڈالر کی قیمت میں اتار چڑھاؤ سے ہے۔